ઓઝલ થયું જે ખ્વાબ મારી આંખમાંથી

ઓઝલ થયું જે ખ્વાબ મારી આંખમાંથી ,

એના લિસોટા પણ સતાવે, કેમ ચાલે !

આવે મુલાકાતે તું ક્ષણોને ગણીને ,

ઘૂંઘટ ઉઠાવું ને તું ભાગે, કેમ ચાલે !

પકડું હું તારો હાથ ને જન્નતમાં જઈએ ,

ત્યાં તું સમય ઢસડીને લાવે, કેમ ચાલે !

મેં જિંદગી આખી જે સપના પર વિતાવી ,

આવી ને બસ નીંદર ભગાવે, કેમ ચાલે !

આંખો ખુલે ત્યારે હથેળી ખાલી જાણે ,

તું મીણથી કાગળ લખાવે, કેમ ચાલે !

- ઉદયન ગોહિલ

जलता दिया हूं मैं अपनेआप में

जलता दिया हूं मैं अपनेआप में 

मुझे अंधेरे का ख़ौफ ना दिखाओ

तुम्हारी समझ से परे हूं, तो हूं

मोहब्बत क्या है, मुझे ना सिखाओ

मेरी बंदगी मेरे सजदे साकी से

मस्जिदों के तौर तरीके ना बताओ

बैठा हूं तो भी अपनी मस्ती में हूं

घुंघरू की खनक से ना सताओ

वह एक ही है तुझमें भी मुझमें भी

द्वैत के बाहरी ख़ुदा को भगाओ

- उदयन गोहिल

ખ્વાબ પાળું પાંપણે તો એ છળે

ખ્વાબ પાળું પાંપણે તો એ છળે ,

એક ખાલીપો પછી ઘેરી વળે .

રાત છે પણ ક્યાં છે નીંદર આંખમાં !

આ ખયાલોમાં ફરે તું, તુંજ કળે .

જઈ ને કોને કહું વાતો બધી !

સાથ તારો હોય તો ફેરો ફળે .

ઘા નથી ઊંડો જરાય પણ રૂઝ ક્યાં !

એ જગ્યા વારે-તહેવારે જળે .

ક્યાં ગયો સ્પર્શ નજરના તીર નો ,

જે નજીક આવી ખભે મારા ઢળે .

ખાક છે આ જિંદગી તારા વિના ,

હોય ગમતી રાહ તો દિલ પણ વળે .

- ઉદયન ગોહિલ

પળ થી પરમેશ્વર સુધી કેડી કરાવો

પળ થી પરમેશ્વર સુધી કેડી કરાવો ,

છે ફરક શું બુંદ-સાગરમાં બતાવો .

છે લખેલું જો લલાટે એનું સઘળું ,

ભાર પોતે લઈ કાં પોતાને સતાવો !

આવશે એ, એવું જ્યારે મન કહે છે ,

બસ, તો એનાં નામ પર જીવન ચડાવો .

ચૂપચાપ દસ્તક દે છે એ જિંદગીમાં ,

શ્વાસના તોરણથી આ શેરી સજાવો .

ને સફર કરવી ઘટે અંદર તરફની ,

મંદિરે કઈ મુક્તિની આશા જગાવો !

- ઉદયન ગોહિલ

एक मेरे जाने से किसी का क्या जाएगा

एक मेरे जाने से किसी का क्या जाएगा

आसमां के तारों को कौन गिनके बताएगा

मैं उसकी ज़िंदगी में था कभी, ठीक है

अब मेरे जाने के बाद वो किसको सताएगा

उसे भी पता था वो मेरा कॉल होता था

रॉन्ग नंबर है, वो लहज़े से किस पे चिल्लाएगा

कौन निकलेगा उस खिड़की के सामने से 

फिर किसे झूठे गुस्से वाली शक्ल दिखाएगा

क्या गुजरी मुझ पर वो तुम्हें पता चलेगा

लगेगी आंख थोड़ी और ख़्वाब फिर जगाएगा

- उदयन गोहिल

એક તો આંખો નશીલી ને હસો છો ,

એક તો આંખો નશીલી ને હસો છો ,

કાં મહોબ્બતની કસોટી પર કસો છો !

થોડું અંતર બેસવામાં છો રહ્યું આંય ,

જાણે સઘળાં કે તમે હૈયે વસો છો .

ભાળશે પણ કોણ તમને જે અદાથી ,

દૂર બેસી, પાસ આંખોથી ખસો છો .

જે જુએ એ તો ખુલ્લાં બસ કેશ જુએ ,

કોઈ પૂછે તો કહું ક્યાંથી ડસો છો .

ને હવા માફક મને વળગી ગયા તાં ,

રાહ જોતાં સૌ રહ્યાં ક્યારે ધસો છો . 

- ઉદયન ગોહિલ 

ન્હોતું જવું તારે મને છોડી ને

ન્હોતું જવું તારે મને છોડી ને

કાં યાદ ન્હોતું આવવું દોડી ને

કોને કહું જઈને કિસ્સો હું આખો

કાણું પડ્યાનો આપણી હોડી ને 

ફાડીને ફેંકી દે બધી ચિઠ્ઠીઓ

મૌસમ બી ગઈ છેલ્લી બધું તોડી ને 

માણસ પહેલેથી હું મયખાના નો

યાદો ઉડાડી જામ માં બોળી ને 

ને હોશ ની વાતો કેમ કરવી રાતે

સાંજે મેં પીધી છે તને ઘોળી ને

- ઉદયન ગોહિલ