Shayri & Ghazals
Sunday 20 September 2020
નવા નક્કોર આવે છે વિચારો હમણાંથી
નવા નક્કોર આવે છે વિચારો હમણાંથી ,
આ ઓલાં પ્રેમ નામે રોગ જેવા સિમટમ છે .
ઘરેથી નીકળું નક્કી કરી ક્યાં જાવું છે ,
રસ્તામાં પાછું લાગે આજ ડાઉન સર્વર છે .
ને આ તો રોજ નું થયું, રોજ કંઈ સારું લાગે !
કે તારા ઘર તરફનું દિલમાં પેડોમીટર છે .
- ઉદયન ગોહિલ
Friday 11 September 2020
આપણી મીઠી એ યાદોની ડગર તે ભૂંસી નાખી
આપણી મીઠી એ યાદોની ડગર તે ભૂંસી નાખી
મેં તો પક્ષીને હજુય ચણ નાખવાની આદત રાખી
કેવું ઘેલું હોય છે મન પણ, તને સંભાર્યા કરતું
આજ તો સ્પર્શની સુંવાળપ મેં સપનામાં પણ ચાખી
આવશે તું તો ફરી પાડીશું ભીની રેત પર પગલાં
આ તો આઘે થી સફરને મેં મહોબત વાળી ભાંખી
- ઉદયન ગોહિલ
Thursday 10 September 2020
સમયને કહી દો સતાવે નહી
સમયને કહી દો સતાવે નહી ,
ફરી આંખમાં સપનું વાવે નહી .
દરદ હોય છે તૂટવાનું ઘણું ,
ફરી આગ મુજમાં જગાવે નહી .
એ તો એક સરખો રહેતો નથી ,
ફરું હું જરાક તો ચલાવે નહી !
વફા નામે એ બેવફા નીકળ્યો ,
ક્ષણ એક પણ ક્યાંય ધાવે નહી .
- ઉદયન ગોહિલ
Newer Posts
Older Posts
Home
Subscribe to:
Posts (Atom)