છે પુરાવા કેટલાં તમને મળવાનાં સાકી
સાત રંગો એક આકાશે જડવાના સાકી
ને ભરો છો જામ આંખોમાં છલકાતાં જાણે
તો ખુદા ભૂલી નમન તમને કરવાના સાકી
કે મુહબ્બતની ગલીમાં પા પા પગલી માંડી
તો ખબર પણ ક્યાં હતી અમને ફળવાના સાકી
જામ હો જ્યાં આખરી થોડી બુંદોમાં જીવન
ખોળિયાથી પર તમે સઘળે ગળવાના સાકી
ચીસ છેલ્લીથી પહેલાં રુદનના આરંભે
અસ્તિત્વ સંગાથ મારામાં ઢળવાના સાકી
- ઉદયન ગોહિલ
No comments:
Post a Comment