સખી...
ધારી લો તમને પ્રેમ છે મારાથી, તો ગમશે સખી !
કે ધારવામાં પણ તમારા નૈન તો ઢળશે સખી .
ઓ વાદળો, છાંટા, ક-મૌસમનાં ખમૈયા તો કરો ,
કે જોઈ ભીંજાતી સખી પાછી અગન વધશે સખી .
મૌસમ ઉઘડતી ગાલની લાલી મસળતી હોય ત્યાં ,
ખ્વાબોની ગરમાહટમાં આજે ચાય પણ ચઢશે સખી .
સંધ્યાની થોડી અસ્ક્યામતને છુપાવી રાખી છે ,
સૂરજ ઓ આથમશે ને તારાઓ વચ્ચે ઉગશે સખી .
વાગ્યા છે લગભગ રાત ના નવ તો સમય પણ થઈ ગયો ,
મુખ થી મૈખાનાની બધી પૂરી કમી કરશે સખી .
- ઉદયન ગોહિલ
No comments:
Post a Comment