હજારો વાર આવી છે તો ગઈ પણ છે
છે વારો પાનખરનો તો એનુંય સ્વાગત
તું ઈશ્વર છે તું આવે ને ના પણ આવે
છે હક એ રાહબરનો તો એનુંય સ્વાગત
ને મીંચી આંખ તો આનંદ આલ્હાદક
ને થાકોડો સફરનો તો એનુંય સ્વાગત
જશે લૂંટીને સઘળું એ ઘડી છેલ્લી
અતિથિ હું એ નગરનો તો એનુંય સ્વાગત
હવા માફક ફરે મન રોજ વનવગડે
છું ઘરમાં તોય ના ઘર નો તો એનુંય સ્વાગત
ઘડી આવી તો હંમેશા નવી થઈ ને
થયો તુંય એ લહરનો તો એનુંય સ્વાગત
જનમથી પર મરણથી ખર છે હોવાપણું
તું છે ગર હજુ પ્રહરનો તો એનુંય સ્વાગત
- ઉદયન ગોહિલ
No comments:
Post a Comment