ના રે ના
એવું કંઈ લાગતું તો નથી
પગમાં..ઝાંઝર.. એ ક્યારથી પહેરવા લાગી!
હર વખત તો એમનેમ જ આવે છે ને આજે વળી...!
કંઇક તો છે આ વખતે..
પહેલાં તો ત્યાં ખાલી વંડી હતી બે મકાન વચ્ચે
ને એમાં એક દિ વંડીને કૂંપળ ફૂટી
ને મહેકે રોજ વંડી
એમાં સામેની ખડકીના કેશ ખુલ્લા...
કંઇક તો છે આ વખતે..
હશે હવે, થોડુંક મોણ વધી ગયું
તો એ ક્રિસ્પી ને હું બરડ
ને આમનામ એ કલાઈમાં બંગડી ફરતી
હું આસક્ત નજરથી નિહાળતો
કંઇક તો છે આ વખતે..
ને આખર આવી એ ક્ષણ
આંગળીઓથી હસ્તધૂનન સુધી
સ્પર્શ વાસંતી વાયરાનો રોમેરોમમાં લઈ
એણે જોયું
કંઇક તો છે આ વખતે
- ઉદયન ગોહિલ
