ધૂળ આંખોમાં પડી છે કે પછી દ્રશ્યો છળે છે !
આવ જા કરતી રહે છે તું મને બસ એ કળે છે .
ને હતો નાદાન એ ઉંમરથી જોઈ છે તને મેં ,
એજ ઉંમરથી અહીંયા જામ છલકાતા ગળે છે .
કંઈ કહેવાને શબ્દો ખૂટી પડે ત્યારે કરું શું ?
ખ્વાબની રંગીનિયતમાં જાગરણ થોડાં ભળે છે .
આવવાને હું મથું છું કેટલો તારી સમીપે ,
પણ લકીરોમા લખાયેલી અમાવસ ત્યાં ફળે છે .
ને આ બાબત કેમ સમજાતી નથી મુજમાં 'ઉદયન' ,
આટલી ઈચ્છાઓ કાં જોવા તને ટોળે વળે છે !
- ઉદયન ગોહિલ
No comments:
Post a Comment