રાત ઉતરે છે સખી ને ચાંદ દેખાતો નથી
એક ખાલીપો હવે કેમેય સહેવાતો નથી
એક ખડકી અર્ધખુલ્લી છે ને દ્વિધા તો જુઓ
ઘર છે સામે ને છતાં પણ સાદ દેવાતો નથી
સહુલિયત કેવી મહોબતમાં વળી ! આ જંગ છે
હું છું એનો ને છતાંય એનો કહેવાતો નથી
પાંખ છે ને જોમ પણ પાંખોમાં છે પણ પીંજરું
હાથમાં મારા તમારો હાથ લેવાતો નથી
નીકળું ઘરથી કે સામે ના ઘરે મૈખાનું છે
પણ નજર આવે ના એ ત્યાં જામ છલકાતો નથી
- ઉદયન ગોહિલ
No comments:
Post a Comment