પ્રેમમાં મારા સમા પાગલનું વળગણ નહી મળે
ને નિભાવ્યા છે મેં તમને એવું સગપણ નહી મળે
પાર દરિયો થાય તરતાં આવડે કે ના આવડે
પણ છુપાયેલું નૈનોમાં ભીનું રજકણ નહી મળે
ને હતી ઈચ્છા દિશાઓની તો ફંટાઈ ગયો પવન
બાથ ભીડે વાયરાથી એવું ઘડપણ નહી મળે
હાથ છો કૂણાં રહ્યાં ને છો રહ્યું કાંડું મખમલી
પ્રેમનાં મચકોડની ગમતી એ અડચણ નહી મળે
ખોયું શું છે, ક્યાસ એનો જો લગાવે તો જાણશે
અકબંધ જીવનમાં મુજ ઝાંઝરની રણઝણ નહી મળે
- ઉદયન ગોહિલ
No comments:
Post a Comment