મને ડર ના બતાવો જિંદગીનો આટલો
ક્ષણોને મા ગણી, હર ક્ષણને હું ધાવું છું
ફરક શું છે એ આવે આજ કે વર્ષો પછી
મૃત્યુને પ્રેમિકા કેટેગરીમાં નાખું છું
ને આ લતમાં છે થોડો હાથ તારી આંખનો
ઉડાડી છાંટ ચારેકોર મદિરા ચાખું છું
તરી જવું રામ નામે એ મને ફાવે નહી
રહ્યો પથ્થર ભલે તોય મારું સ્વમાન રાખું છું
વિશ્વ આખું મળે જ્યાં હાથને ફેલાવું ત્યાં
સનાતન કપડું ઓઢીને હું મુજમાં ઝાંખું છું
- ઉદયન ગોહિલ
No comments:
Post a Comment