જમાનાથી જુદો મારો અલગ મત રાખું છું
જવાબી છું ખુદાનો બસ એ હિકમત રાખું છું
મુબારક આ તમારું જૂઠ તમને સૌ વખત
હું મારા સાદ ને બાળકથી સહમત રાખું છું
કાં જીવન કાં મરણ છેલ્લું સત્ય તો આજ છે
છતાં તારી ગલીની નોખી હરમત રાખું છું
હજારો વાર લાંબા હાથ કર્યા એ કબૂલ
છો, ભીતર તો ચબુતરા ધરમી અસમત રાખું છું
થવાની છે બંધ આંખો એ પાક્કું છે છતાં
છે ખુલ્લી ત્યાં સુધી જીવનમાં ગમ્મત રાખું છું
- ઉદયન ગોહિલ
હિકમત ~ યુક્તિ, ચતુરાઈ
હરમત ~ પ્રતિષ્ઠા, આબરૂ
અસમત ~ પવિત્રતા
No comments:
Post a Comment