તમારાથી જુદો છું તોય તમારો છું
હું નાજુક હાથનાં કંગનનો ગાળો છું
કદર મારી જો થઈ તો આપ ની સાથે
તમે છો ગોળ, હું ધાણાનો દાણો છું
શ્રી ની કિંમત સમો જીવનના પાને છું
તમારા સાથમાં રહું ત્યાં સવાયો છું
બચ્યાં મુજમાં આ પથ્થર કાંકરા રેતી
વહી ગઈ જે નદી એનો કિનારો છું
તમે આવ્યા - ગયા, અવસર બંને માણ્યાં
બધી પરિસ્થિતિમાં હું એકધારો છું
ઘવાયો છું બંને વેળા, આ તે કેવું
ને મારો વાંક તો કે સોયનો ધાગો છું
જમાનો એ ગયો હું પણ પુજાતો તો
હવે ઠેબે ચડેલો કોક પાણો છું
- ઉદયન ગોહિલ
No comments:
Post a Comment