વરસાદી વાદળો સંગ ટહુક્યો છે મોર
ભીંજાવાનું, આજ પાકું સનમ, છે વરસાદી વાત
જાલીને હાથ તારો છબછબિયાં કરવા
ઇચ્છાને મળ્યું છે ખુલ્લું આકાશ, છે વરસાદી વાત
ખીલી છે કળી ને ગુંજ્યો એ ભમરો ય
પ્રેમીઓના દિલે ધબકશે સંગાથ, છે વરસાદી વાત
કૂંપળ ફૂટી તી ક્યાંય ને મલકી તી આંખ
વરસાદી આગમને રમતી છે રાત, છે વરસાદી વાત
પડી છે રજા ને ખાબોચિયે કિલકિલાટ
ધરતીનો મૌસમી હસતો નઝારો, છે વરસાદી વાત
ખુશહાલ છે જિંદગી હર ગલી હર નાકે
પંખીઓની પાંખે ઉડ્યું આકાશ, છે વરસાદી વાત
- ઉદયન
No comments:
Post a Comment