Thursday 19 December 2019
પળ થી પરમેશ્વર સુધી કેડી કરાવો
Saturday 7 December 2019
एक मेरे जाने से किसी का क्या जाएगा
Tuesday 12 November 2019
એક તો આંખો નશીલી ને હસો છો ,
Wednesday 6 November 2019
ન્હોતું જવું તારે મને છોડી ને
Friday 4 October 2019
ધૂળ આંખોમાં પડી છે કે પછી દ્રશ્યો છળે છે !
ધૂળ આંખોમાં પડી છે કે પછી દ્રશ્યો છળે છે !
આવ જા કરતી રહે છે તું મને બસ એ કળે છે .
ને હતો નાદાન એ ઉંમરથી જોઈ છે તને મેં ,
એજ ઉંમરથી અહીંયા જામ છલકાતા ગળે છે .
કંઈ કહેવાને શબ્દો ખૂટી પડે ત્યારે કરું શું ?
ખ્વાબની રંગીનિયતમાં જાગરણ થોડાં ભળે છે .
આવવાને હું મથું છું કેટલો તારી સમીપે ,
પણ લકીરોમા લખાયેલી અમાવસ ત્યાં ફળે છે .
ને આ બાબત કેમ સમજાતી નથી મુજમાં 'ઉદયન' ,
આટલી ઈચ્છાઓ કાં જોવા તને ટોળે વળે છે !
- ઉદયન ગોહિલ
Monday 16 September 2019
સૂરજ સાથે જાજું અમને ફાવે ક્યાંથી !
સૂરજ સાથે જાજું અમને ફાવે ક્યાંથી !
અંધારા જેવું કંઈ પણ એ લાવે ક્યાંથી !
દુઈ ની વાતો કરવી સાધુને શોભા દે ?
જીવન-મૃત્યુ ધાર્મિકતા ડોલાવે ક્યાંથી !
ઠારી દીધો દીવો તે મારા ફળિયાનો ,
સમજી ગ્યો સૂરજને તું શરમાવે ક્યાંથી !
નાની મોટી આઘી પાછી રેખા સઘળી ,
સમજાવો એ ભાગ્યને બદલાવે ક્યાંથી !
ઝાંખો લાગે ચાંદો મારી પ્રિયા સામે ,
રાતો ની રાતો એય તે તડપાવે ક્યાંથી !
આકાશે ઉડતાં પક્ષીઓ સંધ્યા ટાણે ,
નકશો પાછા ફરવાનો દોરાવે ક્યાંથી !
આવી મળવા સાંજે ને નથણી ખોવાણી ,
એ કેય કોને-કોને, ને ગોતાવે ક્યાંથી !
- ઉદયન ગોહિલ
જરૂરી નથી કે મળે તું અમને ,
જરૂરી નથી કે મળે તું અમને ,
ખુદા છે, તું તારે ગમે ત્યાં રમ ને .
ઈચ્છા થાય કે સામે તું આવે ક્યારેક ,
તું કે છે બધે છું, ગમે ત્યાં નમ ને .
થતી હોય ભૂલો કદી તારી પણ ,
ગરીબોનો ઈશ્વર બની તું ભમ ને .
ને નખરાં તો તારાય તે ઓછા ક્યાં છે ,
ધરાવું છું થાળી તો થોડુંક જમ ને .
ને એ શું કે હું રાહ જોઉં રોજે !
તું આવે છે લેવાં તો બે પળ ખમ ને .
- ઉદયન ગોહિલ
Sunday 1 September 2019
વાદળોને રોકવા ક્યાં હાથમાં છે !
વાદળોને રોકવા ક્યાં હાથમાં છે !
જે હતાં સાથે કદી એ ખ્વાબમાં છે .
આમ લૂંટાવી તી આખી જિંદગી મેં ,
પળ બધી યાદોની નોખી નાતમાં છે .
ને બહેકી ગ્યાં પી ને જે એ શરાબી ,
આય તો સાકી ને ખુદા બેય વાતમાં છે .
ફેરવો કંગન તમે એ શોખ છે કે !
દિલ, નજરમાં આવવાના તાગમાં છે !
ઝાંખું લાગે છે સપ્તરંગી આ નભ પણ ,
કે બધા રંગો તમારી આંખમાં છે .
- ઉદયન ગોહિલ
Tuesday 20 August 2019
જરૂરી છે સફરમાં ચાલવું એ તો ખબર છે
જરૂરી છે સફરમાં ચાલવું એ તો ખબર છે ,
કરું શું, આઠમી ડેલી એ ગમતું તારું ઘર છે .
કહું હું વાત અડધી ને તું સમજી જાય પૂરી ,
મને લાગે છે મારા હોંઠ પર તારી નજર છે .
જલાવે છે તું સિગરેટ કોઈ બેજાન દમ વિના ની ,
ધુમાડો નીકળે છે એ બળતરા ની અસર છે !
તું આવી હાથ પકડી લે છે મારો ભીડમાં પણ ,
હતું તો સપનું પણ આ રાતનો છેલ્લો પ્રહર છે .
ઉડું છું હું હવામાં ગામમાં તારા જો આવ્યો ,
પછી થી ધ્યાન આવ્યું ચાંદ નું આખું નગર છે .
- ઉદયન ગોહિલ
Saturday 17 August 2019
ઉડે પડદો એ ઘરનો કોઈ સાંજે
ઉડે પડદો એ ઘરનો કોઈ સાંજે
કે આવે ધ્યાનમાં ચાંદો ઘડી ભર
મેં લૂંટાવી છે મારી જાત તું જો
નજરને આમ ની ત્રાંસી જરી કર
મને ગમતી તી એ લાવ્યો હું ચૂડી
પહેરી, તું બજારે પણ કદી ગર
નસીબે ફૂટલો છું હું પેલે થી
લકીરોમાં વળાંકો લે, પછી ફર
જવા દે તું નહી સમજે એ વાતો
તું સામે થી આ સાગરને નદી ધર
- ઉદયન ગોહિલ
Saturday 10 August 2019
સ્વભાવ સાથે સંતુલન સાધે તો સાધારણ છું હું
સ્વભાવ સાથે સંતુલન સાધે તો સાધારણ છું હું
ને જિંદગીમાં દુઃખ સામે ફળતું નિવારણ છું હું
આપ્યાં રસ્તા ડગલાં વળાંકો ને વટેમાર્ગુ તને
પણ આંખ મીંચી ભીતરે દેખાય એ સારણ છું હું
બેઠો વિશ્વ વ્યાપી સમંદર જેમ, સમજાવ્યું તને
આગળ વધે જો તું નદી-નાળાથી તો તારણ છું હું
સ્મશાન સુધીની સફરને ઓલવી દે છે અગન
એની પહેલાં ધ્યાન નામે ગળતું એ ઝારણ છું હું
આંખો ઉઘાડી તું વહેતી ક્ષણ ને ભાળી લે તો
આકાશમાં આથમતું કે ઉગતું બધું કારણ છું હું
બદલાતું આ અસ્તિત્વ હર પળ આંખ ખોલી જોઈ લે
આવ્યું નજર તો ઠીક બાકી આખરી મારણ છું હું
- ઉદયન ગોહિલ
Monday 29 July 2019
રાત-દિન ને પાર નાચે એ સમય ફંફોસ તું
રાત-દિન ને પાર નાચે એ સમય ફંફોસ તું
છે મધ્યમાં જિંદગી, આ પેન્ડુલમને છોડ તું
દૂર સુધી ક્યાંય દેખાતો નથી ઈશ્વર કદી
મૌનમાં ડૂબી રિવાજો પ્રાર્થના ના તોડ તું
ચાલવું-અટકી જવું માત્ર અવસ્થા હોય તો
શ્વાસની માળાનું આ ખાલીપણું પણ જોડ તું
પાર છે પ્રકાશ-અંધકારના બુઠ્ઠાં દ્વન્દ્વની જે
એ ખુદા ને મળવું છે તો દ્રષ્ટિ ભીતર મોડ તું
છે છુપાયેલો એ મારામાં ને તારામાં બધે
ભેદ ઇન્દ્રિયોથી પડતા જે છે એ તરછોડ તું
- ઉદયન ગોહિલ
Friday 26 July 2019
કેટલા કર્યા ઉધામા ચાંદ દેખાયા પછી
કેટલા કર્યા ઉધામા ચાંદ દેખાયા પછી.
મટકું નો માર્યું મેં બારી બાજુ ખેંચાયા પછી.
જાળ સોનાની ચમકતી હોય તોય એ જાળ છે,
ધ્યાન આવ્યું માછલીઓને એ સપડાયા પછી.
તીર ચૂકે ઘા ઘણી વારે તમે પણ જોયું છે,
પણ શબ્દો ખૂંચી જશે એ પાકું બોલાયા પછી.
જિંદગીએ શીખવ્યું સઘળું છતાં લાગે મને,
પાકું શ્રીફળ થાય છે હોળી માં હોમાયા પછી.
બુંદ પરપોટો નદી સાગર બધાં રૂપો જુદાં,
એક ઈશ્વર, આમ લીલા માં વહેંચાયા પછી.
વેગળાં હો આંગળા પણ છે હથેળી એક ને,
જીવવાની છે મજા આ વાત સમજાયા પછી.
બંદગી ઝાંઝર ની ખનખનમાં મળે એવુંય બને
ત્યાં શું મંદિર ને શું મસ્જિદ જામ ઢોળાયા પછી.
- ઉદયન ગોહિલ
Tuesday 16 July 2019
દમ નથી કા તો તમારી પ્રાર્થનામાં
દમ નથી કા તો તમારી પ્રાર્થનામાં
ને કા ઈશ્વર છે બહેરો, હા તમારો
ને કહેવું સાધુ, જાતે જાત ને તો
સમજો આ ફોગટ છે ફેરો, હા તમારો
છે જન્મજાત બુધ્ધ, સઘળાં જીવ આંયાં
બસ મેલો પડતો જમેલો, હા તમારો
બંધ આંખે, દ્રશ્ય જો સમાધિ ના લે
ખાય ત્યાં ચાડી ચહેરો, હા તમારો .
ને ફરક પડશે શું સમજાવો મને પણ
લીલો કે ભગવો પહેરો, હા તમારો
હાથતાળીની રમત છે આ વિચારો
અટકી ગ્યાં તો પાર બેડો, હા તમારો
- ઉદયન ગોહિલ
Saturday 6 July 2019
અસ્તિત્વ ક્યાં છે સમયનું ક્યાંય ખ્વાબોમાં સખી
અસ્તિત્વ ક્યાં છે સમયનું ક્યાંય ખ્વાબોમાં સખી
જિંદગી રંગીન વિતે તારા ખયાલોમાં સખી
રાતનાં પડખામાં છેડે અસ્તિત્વને તું મારા
તો દબાવું હુંય તે તારો હાથ, હાથોમાં સખી
ને જરાક આવી નજીક બેસે મને અડકીને ત્યાં
થાઉં રેબઝેબ હું પસીને ઠાલી રાતોમાં સખી
દોર લંબાયો તો વાતો નો પછી એ રાત માં
મેં પહેરાવી તને ચૂડી એ વાતોમાં સખી
શોભતી તી લાલ ચૂડી એવું ખાલી ન્હોતું કંઈ
છે બિન્દી પણ જો સવાલોના જવાબોમાં સખી
- ઉદયન ગોહિલ
Sunday 23 June 2019
અણબનાવ કેવો બન્યો તમને ખબર પણ છે સખી !
અણબનાવ કેવો બન્યો તમને ખબર પણ છે સખી !
એક પડછાયો ગમ્યો તમને ખબર પણ છે સખી !
થઈ બંધ આંખો ને સપનામાં હું જકડાઈ ગયો ,
રાતરાણી ને અડ્યો તમને ખબર પણ છે સખી !
પગમાં ઝાંઝર ને કંદોરો કેડ પર છમ છમ કરે ,
હું રણક થઈ ને ભમ્યો તમને ખબર પણ છે સખી !
ને જરા અમથી લહેરખી ક્યાંકથી આવી ને બસ ,
કેફ પાલવને ચઢ્યો તમને ખબર પણ છે સખી !
રેશમી સાડી તમે ખોસી કડક જે કેડ પર ,
ત્યાં કરચલી થઈ ખમ્યો તમને ખબર પણ છે સખી !
- ઉદયન ગોહિલ
Monday 17 June 2019
થઈ છે જવાન આખી ગઝલ મારી સામે
થઈ છે જવાન આખી ગઝલ મારી સામે
કર્યા શબ્દો સઘળા મેં પણ એને નામે
વરસાદ વાદળ ભેજ ભેગા કર્યા ને
ચોમાસું આખું કર્યું આંખોના જામે
લુંટાઈ જવું એ વાતમાં લજ્જત લાગે
તોડ્યો ઘડો ખુલ્યું અવકાશ ઠામે-ઠામે
ને ક્યાં જરૂર છે મંદિરો-મસ્જીદો ની
લોકો લૂંટાઈ છે બસ અહીં ગામે-ગામે
પાછા જવામાં પણ ઉતાવળ છે તારી
રોકાવું તું ને જો તું આવ્યો તો ધામે
ને કાં શબ્દો છે ખોખલા મારાં અથવા
આદત નથી આવે ખુદા તું કંઈ કામે
- ઉદયન ગોહિલ
Saturday 8 June 2019
છે પુરાવા કેટલાં તમને મળવાનાં સાકી
છે પુરાવા કેટલાં તમને મળવાનાં સાકી
સાત રંગો એક આકાશે જડવાના સાકી
ને ભરો છો જામ આંખોમાં છલકાતાં જાણે
તો ખુદા ભૂલી નમન તમને કરવાના સાકી
કે મુહબ્બતની ગલીમાં પા પા પગલી માંડી
તો ખબર પણ ક્યાં હતી અમને ફળવાના સાકી
જામ હો જ્યાં આખરી થોડી બુંદોમાં જીવન
ખોળિયાથી પર તમે સઘળે ગળવાના સાકી
ચીસ છેલ્લીથી પહેલાં રુદનના આરંભે
અસ્તિત્વ સંગાથ મારામાં ઢળવાના સાકી
- ઉદયન ગોહિલ
Monday 27 May 2019
ઉગ્યો જો ચાંદ આકાશે તો તારા છોભીલા પડશે
ઉગ્યો જો ચાંદ આકાશે તો તારા છોભીલા પડશે
મહેફિલમાં એ આવ્યાં જો તો નજરો તો થોડી મળશે
ને ક્યાં લાંગરવી આ મધ દરિયામાં મારી હોડી
નજર છે આસમાન પર કે જગા ક્યારેક ખુદા કરશે
અચાનક વાયરા ફંટાય આ બાજુના તો સંભાળજે
કે પડ્યા પર જો વાગે પાટું તો એની કળ ક્યાં વળશે
કે ઉગવું ને પછી ખરવું નિયમ છે પ્રકૃતિનો પણ
મરણ પર્યંત હવા ને પ્રેમમાં તું શું ને શું ધરશે
ને ક્યાં સરખી છે પાંચેય આંગળીઓ તારી કે મારી
વચ્ચે એની આ રેખાઓ કહો કોને ક્યાંથી ફળશે
- ઉદયન ગોહિલ
Monday 13 May 2019
સમજાવું કોને હું કે ભીતર શું મને થાય છે
સમજાવું કોને હું કે ભીતર શું મને થાય છે
તારો ખરે તોય નામ પણ ક્યાં એનું બોલાય છે
કક્કો ને બારાખડી મેં શીખી ત્યારથી જોઉં તો
છે એક અક્ષર જ્યાં આ મારી જીભ થોથવાય છે
ને હાથ જાલ્યો છે મેં એનો તો હજારો વખત
પણ ક્યાં ખબર છે કે લકીરો કેમ પકડાય છે
ને આવતું તું ઘર એ જમણી બાજું છેલ્લી ગલી
પણ આ લખેલાં કાગળો ક્યાં એમ મોકલાય છે
ધરબી ફરીથી વાત મારી મેં હૃદયમાં મારાં
ખુલ્લી કિતાબ જેવું બધાને ક્યાં કહેવાય છે
- ઉદયન ગોહિલ
Wednesday 8 May 2019
આવે નજરમાં એમ ક્યાંય એ મને મળતી નથી
આવે નજરમાં એમ ક્યાંય એ મને મળતી નથી
અમથી હવા બાબતની મારી ગણતરી ફળતી નથી
બાંધેલું છે આકાશ આ મેલી નજરથી કોઈકે
તારા ખરી ગ્યાં સેંકડો ને આસ આ બળતી નથી
છે ધ્યાનમાં હળવેથી તે ઊઠાવી તી આંખો તે દિ
ગઈ વાત ક્યાં કે એ નજર ક્યારેય હવે છળતી નથી
ને છે ફરક બસ આટલો આ દિલ્લગી ને પ્રેમમાં
છો હોય ના સાથે એ પણ એની કમી કળતી નથી
છે લાજમી તમને તમારો વટ તમારાં સોળ મેં
તલવાર ને રાખો મ્યાનમાં કે બાર એ વળતી નથી
ફૂટે નવા દાંતો એ શતક પારની નિશાની છે
કે આ ગઝલની છે જવાની જે કદી ઢળતી નથી
- ઉદયન ગોહિલ
Monday 29 April 2019
લે છે વળાંક હાથની રેખા પચાસે તો પછી મળવાને તું આવીશ ને !
લે છે વળાંક હાથની રેખા પચાસે તો પછી મળવાને તું આવીશ ને !
થોડી સફેદી સાથ ઉડતા વાળની સાથે ફરી ઉડવાને તું આવીશ ને !
વેઠ્યો છે તડકો જિંદગીમાં ખૂબ તે પણ ને મેં પણ એ તો ખબર છે બંને ને ,
ઢળતી આ સાંજે જામ ની હો આખરી બુંદો ને ત્યાં ગળવાને તું આવીશ ને !
કિસ્સા ઘણાં છે બેવફાઈના આપણી આંખો સમક્ષ ને હજુ પણ આવશે ,
પણ કોઈ મીઠાં દર્દ જેવું પાછલી ઉંમરે મને કળવાને તું આવીશ ને !
જોયું હશે આખું જગત એવું શક્ય છે ને એ તારો શોખ પણ છે, જાણું છું ,
સ્કુટર, ચા ની ટપલી ને મારો સાથ જો હોય તો ફરવાને તું આવીશ ને !
ને આમ લૂંટાતો રહ્યો વારે તહેવારે હું કઈ કેટલીય વખત તારા નામે ,
તો આખરી બાજી માં પગલાં જો પડે પાછાં તો ત્યાં છળવાને તું આવીશ ને !
- ઉદયન ગોહિલ
Thursday 18 April 2019
મને પણ છે ઇન્તેઝાર તો અર્થ એવો નથી એ આવશે દોડી ને મળવા
મને પણ છે ઇન્તેઝાર તો અર્થ એવો નથી એ આવશે દોડી ને મળવા
હતો એ શોખ મારો તો મેં મૂકી દોટ ઝાંઝવા સુધી જળ ને પકડવા
છે સૂકી આ ધરા સાથે નજરમાં કેદ દ્રશ્યોનો અહેસાસ પણ નિરર્થક
સફરનો થાક ઉતરે જિંદગીમાં જો કદી આંખો તને ભાળે સજનવા
મંદિરો મસ્જિદોમાં કેટલાં ફેરા કરી થાક્યો પછી સમજાયું સઘળું
રહેતા છે એ કણકણમાં તો એને ચાર દીવાલો વચ્ચે ક્યાંથી સમજવા
ને આ જે ધોમધખતો તાપ ગરમીથી વરાળબુંદો જે આકાશે ચઢે છે
એ તો બસ નીકળી પડ્યો છે સાગર કઈ અમસ્તો આ પવન સંગાથે ફરવા
બંને સરખાં ભરેલો જામ ને તું આમ જોવા જઈએ તો પહેલી નજરમાં
ચઢે થોડો નશો જાઝો મળે સાંજે સુંવાળો હાથ તારો જો જકડવા
- ઉદયન ગોહિલ
Saturday 6 April 2019
જોઈ ને ફેરવી લો આંખો તો ,
જોઈ ને ફેરવી લો આંખો તો ,
માનું ! જોવા રજા તમારી છે ?
ખેલવો ખેલ તો બરાબરનો ,
આ શું ખાલી મજા તમારી છે .
ના ટકે ક્યાંય આ નજર મારી ,
છે જુદી પણ સજા તમારી છે .
હાથ મારો, લજામણી છે તું ,
એ અર્પેલી કઝા તમારી છે .
ને ફરકતી રહી સદા દિલે
એ સનમ સી ધજા તમારી છે .
- ઉદયન ગોહિલ
Thursday 28 March 2019
નામ ક્યાં છે આપણાં સંબંધનું કઈ તો ય આ નાતો ગમે છે
નામ ક્યાં છે આપણાં સંબંધનું કઈ તો ય આ નાતો ગમે છે
નામ આવ્યું તારું વાતોમાં પછી તારી બધી વાતો ગમે છે
ને નિભાવી છે દુશ્મની રાત સાથે તો વર્ષોથી જાગતાં મેં
પણ હવે તારા સમો આ ચાંદ સાથેની મુલાકાતો ગમે છે
ખીડકી કેવી તમારા ઘર ની જ્યાં મારો સમય વીતે મજાનો
શોખ ઉભવાનો છે નીચે ને સુગંધી વાયરા કાં તો ગમે છે
ને પડે છે કાનમાં છમછમ સંગીતી સાજ તારી ઝાંઝરીનો
ત્યાં અવસ્થા ધ્યાનમય થઈ જાય બસ મારા આ જઝબાતો ગમે છે
ક્યાં લખાતી તી ગઝલ પેલાં અને અમથાં વિચારો આવતા ક્યાં
જાગું હું, કાગળ અંગડાઈ લે કલમ વળ ખાય એ રાતો ગમે છે
- ઉદયન ગોહિલ
Wednesday 13 March 2019
ભૂત ભુવા ડાકલાં દાણા છે સઘળું અગડમ બગડમ
ભૂત ભુવા ડાકલાં દાણા છે સઘળું અગડમ બગડમ
ક્યાં ભગાવે ક્યાં થી ટાળે જાદુ કાળું અગડમ બગડમ
હાથેથી ખેરે કંકુ ને માથું ઘૂમે ચારેય બાજું
ખોટું ધૂણે ને ધુણાવે આવું હાળું અગડમ બગડમ
કામ ક્યાંથી થાય તારું કે શ્રદ્ધા નામે છે મીંડુ
આવું અમથું કહી ફેલાવે મોટું જાળું અગડમ બગડમ
ને બતાવે એવું જાણે ચોટલી એનાં હાથોમાં
ના કુચી લાગે રે ત્યાં ભૂતિયું તાળું અગડમ બગડમ
ને રચે તરકટ એ છેલ્લે પાછું માતાજીનાં નામે
આંખે પાટા ખોલું તો તરકીબ ભાળું અગડમ બગડમ
- ઉદયન ગોહિલ
Sunday 10 March 2019
જાવ ને માંગો ફરીથી પ્રભુ પાસે કંઇક નવું
જાવ ને માંગો ફરીથી પ્રભુ પાસે કંઇક નવું
ડૂબી જાવું પ્રાર્થનામાં એ તમારું ગજું નથી
ખેંચ પૂરી તું પ્રત્યંચા ને ચઢાવી લે તીર ને
માફ કરવું હાથ જોડી ને તમારું ગજું નથી
આ નદી આકાશ તારાં ચાંદ સઘળું છે તારું પણ
એ મફતમાં મળવું સૌ ને તમારું ગજું નથી
છે બળાપા રોજનાં જે વ્યથિત કરતાં હશે કદી
ને લકીરો વાળવી ક્યાંયે તમારું ગજું નથી
દીકરી મા બેન પત્નીથી અલાયદો વિચાર કર
સ્ત્રી ને સ્ત્રી ગણવી જરૂરી જે તમારું ગજું નથી
- ઉદયન ગોહિલ
Friday 25 January 2019
જુએ છે એ હવે આંખો જરા નીચી કરી ને
જુએ છે એ હવે આંખો જરા નીચી કરી ને
જવાની ની પહેલી આ નિશાની હું કહું છું
ખરે પાંદડું સુકાયેલું જો લજ્જત થી સાંજે
હસ્તરેખા ની આગળ જિંદગાની હું કહું છું
ને કર્યા યાદ સાથોસાથ તમને ને ખુદા ને
ફકીરી પ્રેમની પૂર્ણ કહાની હું કહું છું
ને કરશે કામ ઊંમર એનું આખીરી સમયમાં
આ ઢળતી સાંજની રાતો સુહાની હું કહું છું
કક્કો પાનું અક્ષરો વારતા સઘળું તમારું
હા, આ કિરદાર માં વાતો મઝાની હું કહું છું
- ઉદયન ગોહિલ
Thursday 3 January 2019
કરી દીધી હવાલે જિંદગી તારે
કરી દીધી હવાલે જિંદગી તારે
જવું છે ક્યાં સિવા તારા હવે મારે
કે આથમશે સંધ્યા તો આવશે રાત્રી
અંધકાર પણ છે તો પ્રકાશ સથવારે
મળે કે ના મળે શું ફેર પડવાનો
છે ખુદા જો સમંદર તો હું પતવારે
કે આ માળા ને મણકા ને મંત્રો સઘળાં
નકામા જ્યાં સુધી અંતર ન પુકારે
છે આ મિજાજ, મારો વેશ બીજું શું
કર્યો છે દીપ તો છું મારી મઝારે
- ઉદયન ગોહિલ