મળી જાય જો

મળી જાય જો, ક્યારેક આશરો  કોઈ દીવા તળે
માંથું ઊંચકે તો, એના બળવામાં તને પ્રકાશ મળે

વરસી છે ઓળઘોળ, જે માં આજીવન તારા પર
ઘરડો હાથ પકડીને બેસ એનો બે ઘડી ખુદા મળે

નહી મળે, મોકો પછી ક્યારેય  વરસો વરસ વીતે
હા મળે, તો અફાટ રણ માં ઝાંઝવાના ઝળ મળે

સરખાવ જો નસીબ ઓ મર્યાદા પુરુષોતમ સાથે
ત્રણ ત્રણ માં ઘરે હોય છતાંય જેને વનવાસ મળે

દીકરો બની આવ્યો છે તો સંભાળ આ 'ઉદયન' 
સ્નેહની કુંપળમાં, પે'લાં સુખની  સરવાણી મળે

- ઉદયન