વાતો નો દોર થોડો લંબાઈ જશે
વાતો માં જયારે તું છવાઈ જશે
હું બોલીશ થોડું અને તું મલકશે
ગઝલ ગમતી, ત્યાં રચાઈ જશે
શરૂવાત હશે અતુટ દોસ્તી થી
વિના ખબર વળાંક લેવાઈ જશે
ઉત્કૃષ્ટ પ્રેમની ઝંખના માં આજ
રંગ માં મારા, સનમ રંગાઈ જશે
છલકતા નૈનો ના જામ ભરી
નશો નાહક નો કરાઈ જશે
નખશીખ આ ચોખ્ખો માણસ
હોંઠો ના નશા માં વટલાઈ જશે
સહેવું કે કહેવું સમજાતું નથી
દિલ, દરદ માં દુભાઈ જશે
કહી દઉં, તને હું પ્રેમ કરું છું
ઘા રુઝાયેલો, છો છોલાઈ જશે
વ્યક્તિત્વ તારું અજબ અનોખું
શબ્દ માં મારા ચિતરાઈ જશે
સંભાળજે તું ઝાલીમ દુનિયા થી
સનમ 'ઉદયન' ની કહેવાઈ જશે
- ઉદયન
No comments:
Post a Comment